Bir çox insan meyvə tumlarını udmağın təhlükəli olub-olmadığını düşünür. Foodinfo.az Sports.kz-yə istinadla xəbər verir ki, mövcud elmi yanaşmalar bununla bağlı bir sıra yanlış təsəvvürləri aradan qaldırır.
Məlumatda bildirilir ki, illərdir dolaşan “tumu udmaq appendisitə səbəb olur” fikri elmi əsas daşımır. Araşdırılmış çıxarılmış appendiks nümunələrində tumların iltihabı törətməsi təsdiqlənməyib və mütəxəssislər xəstəliyin əsasən bakterial amillərlə əlaqəli olduğunu göstərirlər. Mütəxəssislərin sözlərinə görə, qidalanma və ya təsadüfən udulan tumlar bu prosesdə rol oynamır.
Eyni zamanda qeyd olunur ki, tumların fayda və ya ziyan göstərməsi üçün onların çeynənməsi və ya xırdalanması lazımdır. Çeynənməyən tumların böyük hissəsi həzm sistemindən heç bir təsir göstərmədən keçir və orqanizmə təhlükə yaratmır.
Mütəxəssislər xatırladır ki, sitrus meyvələrinin tumlarında bəzi faydalı bitki maddələri mövcud ola bilər, eləcə də alma və armud tumlarında az miqdarda yod və digər qida maddələri olur. Gavalı tumları isə bütöv halda udulduqda təhlükə yaratmasa da, məqsədli şəkildə çoxlu miqdarda çeynənməsi məsləhət görülmür.
Qranat tumlarının tam yeyilə bildiyi, onların bitki mənşəli qoruyucu maddələrlə zəngin olduğu vurğulanır. Xurma tumlarının da tərkibcə qida maddələrinə malik olduğu, bəzi xalqlarda hətta üyüdülərək içki hazırlanmasında istifadə edildiyi bildirilir. Üzüm tumlarının ürək-damar sistemi üçün faydalı sayılan bitki maddələri ilə zəngin olduğu da qeyd edilir.
Qarpız və yemiş tumlarının da təhlükəli olmadığı, hətta bəzi ölkələrdə qovrularaq və ya əzilərək müxtəlif yeməklərdə istifadə edildiyi bildirilir. Bununla belə, həzm sistemi həssas olan insanların miqdara diqqət etməsi tövsiyə olunur.
Mütəxəssislər xəbərdarlıq edirlər ki, gilas, ərik, şaftalı və gavalı tumlarında müəyyən maddələr yüksək olduğundan onları məqsədli şəkildə çoxlu miqdarda çeynəmək uyğun deyil. Təsadüfən bir-iki dənə udulduqda isə narahatlıq üçün əsas yoxdur.
Araşdırmanın ümumi nəticəsi ondan ibarətdir ki, meyvə və giləmeyvə tumlarının böyük hissəsi appendisitlə əlaqəli deyil və əksər hallarda orqanizm üçün təhlükə yaratmır. Lakin həzm problemi olan şəxslər fərdi vəziyyətlərini nəzərə alaraq həkim məsləhətini rəhbər tutmalıdırlar.
