Kinkan portağal və mandarinlərin miniatür qohumu hesab olunur və mənşəyi Çinin cənub bölgələrinə gedib çıxır. Foodinfo.az Sports.kz-ə istinadən xəbər verir ki, bu sitrus meyvəsinin adı çin dilindəki “kunq kuat” ifadəsindən yaranıb və “qızıl portağal” mənasını verir.

Hazırda kinkan təkcə Asiyada deyil, subtropik iqlimə malik bir çox ölkədə becərilir. Meyvənin əsas yetişmə mövsümü iyun–oktyabr aylarına təsadüf edir. Maraqlıdır ki, tam yetişmiş kinkan meyvələri ağac üzərində aylarla təravətini itirmədən qala bilir.

Kinkan ölçüsünə görə çox kiçik sitrus meyvəsidir və bəzən zeytunla müqayisə olunur. Forması sortdan asılı olaraq dəyişir. Ən çox yayılan sortlar hamar və oval formalı naqami, yumru formalı marumi və nisbətən iri (4–5 sm) meyvələri olan meyva sortlarıdır.

Dad xüsusiyyətləri də sortlara görə fərqlənir. Naqami daha turş və yüngül acılı dada malikdir. Marumi isə şirin və azca turş dadı ilə seçilir və tez-tez mürəbbə hazırlanmasında istifadə olunur. Meyva sortu isə bu iki növün hibridi hesab olunur və dad baxımından orta xüsusiyyətlərə malikdir.

Kinkanın ən maraqlı cəhəti isə onun qabığı ilə birlikdə yeyilə bilməsidir. Bu xüsusiyyətə malik olan yeganə sitrus meyvəsi məhz kinkandır. Əksinə, meyvənin dadını əsasən məhz qabığı formalaşdırır: marumi sortunda qabıq daha şirin, naqami sortunda isə yüngül tünd və ədviyyəli dad verir.