Bağırsaq sağlamlığı ümumi sağlamlıq üçün vacibdir. Foodinfo.az bildirir ki, düzgün qidalanma və probiotiklə zəngin içkilər bağırsaqda faydalı bakteriyaların sayını artırır.

Foodinfo.az bildirir ki, kefir, qatıq, kombuça (çay göbələyi) və bananlı smuzi bağırsaq mikroflorasını dəstəkləyir. Ekspertlər əlavə edir ki, prebiyotiklə zəngin məhsullar — soğan, sarımsaq, yulaf və balqabaq — probiotiklərin fəaliyyətini gücləndirir. Bu kombinasiyalar həzm prosesini normallaşdırır, immuniteti artırır və il boyu infeksiyalara qarşı müdafiəni gücləndirir.

Bağırsaq problemləri olan insanlar üçün yaşıl çay və çiy tərəvəzlər də faydalıdır. Onlarda olan polifenollar zərərli bakteriyaların sayını azaldır və iltihab əleyhinə təsir göstərir. Ekspertlər tövsiyə edir ki, bu məhsullar gündəlik rasiona daxil edilsin və balanslı qidalanma qorunsun.