Qulaş – Macarıstandan gələn, doyurucu və ətirli şorba növüdür. Əsas tərkibi mal əti və tərəvəzlərdir, aroma üçün paprika, tərxun və digər ədviyyatlar əlavə olunur. Foodinfo.az dietology.pro saytına istinadla xəbər verir ki, bu şorbanın sirləri əsasən keyfiyyətli ətin seçimi və düzgün bişirmədədir.
Tərkibi:
-
5 incə dilim bekon
-
1,5 kq mal əti fileto
-
2 xörək qaşığı bitki yağı
-
4 ədəd soğan
-
3 diş sarımsaq
-
3 xörək qaşığı paprika
-
1,5 çay qaşığı tərxun toxumu
-
⅓ stəkan un
-
¼ stəkan qırmızı şərab sirkəsi
-
¼ stəkan pomidor pastası
-
5 stəkan mal əti bulyonu
-
5 stəkan su
-
½ çay qaşığı duz
-
2 ədəd qırmızı bolqar bibəri
-
4 ədəd kartof
Hazırlanma qaydası:
-
Mal ətini kub şəklində, kartofu kiçik hissələrə, bibəri isə xırda doğrayın. Soğanı incə, sarımsağı əzilmiş vəziyyətdə hazırlayın.
-
Dərin bir tavada bekonu xırtıldayanadək qovurun. Qalan yağda mal ətini qızılı rəng alana qədər qovurun.
-
Odda azaldıqdan sonra yağ, soğan və sarımsağı əlavə edin. Ətin rəngi dəyişənədək bişirin.
-
Paprika, tərxun toxumu və unu əlavə edin, davamlı qarışdıraraq 2 dəqiqə qovurun. Daha sonra sirkə və pomidor pastasını qatın, 1 dəqiqə qarışdıraraq qarışığı qatılaşdırın.
-
Qarışığı böyük bir qazana köçürün, üzərinə bulyon, su, duz, bibər və bekonu əlavə edin. Qazanın qapağını örtüb yüksək odda qaynadın, sonra oddan azaldın.
-
Sonda kartofu əlavə edib şorbanı təxminən 30 dəqiqə, ət və tərəvəzlər yumşalana qədər bişirin.
İdeal qulaş ətirli, ətli və doyurucu olur. Kartof və bibərin əlavə edilməsi şorbanın həm ləzzətini, həm də doyumunu artırır. Nuş olsun!
