Tibb dünyasında ən çox müzakirə edilən mövzulardan biri mikro-doza liziumun beyin sağlamlığına təsiridir.

Foodinfo.az xəbər verir ki, Britaniya Tibb Jurnalı (BMJ) tərəfindən yayımlanan araşdırma göstərir ki, içməli sularında və qidalarında çox az miqdarda təbii lizium olan bölgələrdə demans hallarının sayı minimumdur.

Liziumun beyində neyronlar arasındakı rabitəni gücləndirdiyi və zərarlı proteinlərin toplanmasının qarşısını aldığı müəyyən edilib. Bu tapıntı Altsheymer xəstəliyinin profilaktikasında yeni bir dövr aça bilər. Tədqiqatçılar liziumun az miqdarda qəbulunun stresə qarşı dözümlülüyü artırdığını və ruh halını stabilləşdirdiyini bildirirlər. Lakin ekspertlər xəbərdarlıq edirlər ki, söhbət yüksək dozalı dərmanlardan deyil, yalnız qida səviyyəsindəki mikro-dozalardan gedir.

Mineral sular və bəzi tərəvəzlər təbii lizium mənbəyi kimi tövsiyə olunur. Yaddaşını qorumaq istəyən yaşlı nəsil üçün bu mineralın əhəmiyyəti rəsmən təsdiqlənib. Gələcəkdə multivitamin komplekslərinə liziumun əlavə edilməsi standart hal ala bilər.

Beyin hüceyrələrinin qocalmasını yavaşladan bu tapıntı ən mühüm kəşfləri sırasındadır. Mütəxəssislər hələ də optimal dozanın müəyyən edilməsi üzərində işləyirlər. İnsanların özbaşına lizium əlavələri qəbul etməsi deyil, həkim nəzarəti altında olması vacibdir.