Bu həftə planetimizdə son üç ayın ən güclü maqnit qasırğası müşahidə olunur. Foodinfo.az xəbər verir ki, dietoloq Elena Solomatina meteohəssas insanlar üçün xəbərdarlıq edərək bildirib ki, belə günlərdə baş ağrısı, yorğunluq və ümumi narahatlıq hissi arta bilər.

Mütəxəssis izah edib ki, maqnit qasırğaları orqanizmdə damarların daralması və genişlənməsi kimi pozuntular yaradır. Bu prosesi ağır və yağlı qidalar, duzlu, hisə verilmiş məhsullar, alkoqol və stres daha da gücləndirir. Nəticədə bədəndə maye yığılır, təzyiq yüksəlir və xoşagəlməz simptomlar yaranır.

Solomatina tövsiyə edir ki, belə günlərdə yüngül və balanslı pəhrizə üstünlük verilsin. Rasiona asan həzm olunan zülallar (balıq, toyuq, süd məhsulları, yumurta), antioksidantlarla zəngin tərəvəz və meyvələr, eləcə də damar sağlamlığını dəstəkləyən məhsullar (çuğundur, pomidor, giləmeyvə, sarımsaq, zəncəfil və kurkuma) daxil edilməlidir.

Bundan əlavə, tonus verici içkilər də faydalıdır. Məsələn, çobanyastığı, limon çiçəyi və ya gicitkən çayı kimi bitki çayları orqanizmi sakitləşdirir və gərginliyi azaldır.

Həkim həmçinin qeyd edib ki, vitamin və minerallarla zəngin məhsullar – dəniz balığı, qoz-fındıq, banan və quru meyvələr – bədənə enerji verir və maqnit qasırğasının mənfi təsirlərini yumşaldır.

Beləliklə, sadə, yüngül və faydalı qidalanma maqnit qasırğası zamanı sağlamlığı qorumağa kömək edir.