Dəniz və şirin sularda yaşayan ilan balığı həm dadı, həm də qida dəyəri ilə seçilir. 

Foodinfo.az xəbər verir ki, ilan balığı yüksək keyfiyyətli zülal mənbəyidir. Bu isə əzələlərin inkişafı və bədənin bərpası üçün vacib hesab olunur. 

Eyni zamanda tərkibində omeqa-3 yağ turşuları mövcuddur ki, bu maddələr ürək-damar sağlamlığını dəstəkləyir və iltihab riskini azaldır.

İlan balığı A və D vitaminləri ilə zəngindir. A vitamini göz sağlamlığı üçün, D vitamini isə sümük möhkəmliyi və immun sisteminin güclənməsi üçün əhəmiyyətlidir.

Bundan əlavə, ilan balığının tərkibində dəmir və fosfor kimi minerallar da var. Bu minerallar qan dövranı və enerji mübadiləsi üçün vacib rol oynayır.

Bununla belə, ilan balığı yağlı balıq növü olduğundan həddindən artıq istehlak edilməsi tövsiyə edilmir. Balıq məhsulları həmişə düzgün bişirilməli və keyfiyyətinə diqqət yetirilməlidir.