Kərəviz yalnız dadlı tərəvəz deyil, həm də sağlamlığa çoxsaylı müsbət təsirləri ilə tanınır. Tərkibində vitaminlər, minerallar və liflə zəngin olan kərəviz həm qida dəyəri baxımından, həm də sağlam həyat tərzi üçün vacibdir.
Foodinfo.az xəbər verir ki, kərəviz tərkibində qan təzyiqini tənzimləyən fitonutrientlər və potasiumla zəngindir.
Bu xüsusiyyətləri sayəsində müntəzəm istehlakı xolesterin səviyyəsini aşağı salmağa və ürək-damar xəstəliklərinin riskini azaltmağa kömək edir.
Tərəvəzin tərkibindəki lif həzm prosesini sürətləndirir, bağırsaq hərəkətlərini tənzimləyir və qəbizliyin qarşısını alır. Kərəviz həmçinin bağırsaq mikroflorasının sağlamlığını qorumağa yardım edir.
Kərəviz C vitamini və antioksidantlarla zəngindir ki, bu da orqanizmin infeksiyalara qarşı müqavimətini artırır. Xüsusilə payız və qış aylarında kərəviz istehlakı soyuqdəymə riskini azaldır.
Az kalorili və liflə zəngin olan kərəviz toxluq hissini uzun müddət təmin edir. Buna görə də pəhriz saxlayanlar üçün əla seçimdir.
Kərəviz dərinin hüceyrələrini yeniləyir, nəmləndirir və onun sağlam parlaqlığını dəstəkləyir. Antioksidant təsiri dərini sərbəst radikalların zədələyici təsirindən qoruyur.
Kərəviz orqanizmdən toksinlərin çıxarılmasına kömək edir, böyrək və qaraciyər fəaliyyətini dəstəkləyir.
