Kofein gündəlik həyatımızın ayrılmaz hissəsinə çevrilib, amma istifadəsi bəzi hallarda sağlamlıq üçün risk yarada bilər. Foodinfo.az Sports.kz-ə istinadən xəbər verir ki, alimlər müəyyən vəziyyətlərdə kofeinin bağırsaq hüceyrələrinə təsirini araşdırıblar.

Tədqiqat göstərib ki, uzunmüddətli fiziki məşqlərdən sonra kofein qəbul edilməsi bağırsaq epitel hüceyrələrinin zədələnməsinə səbəb ola bilər. Eksperiment zamanı 18 iştirakçıya ya kofein, ya da plasebo verilib. Nəticədə, kofein qəbul edənlərdə bağırsaq hüceyrələrinə zərər verən molekulların səviyyəsi artıb, iki könüllüdə isə bulantı müşahidə olunub.

Alimlər bildirirlər ki, kofeinin bağırsaq və həzm sistemi üzərində təsiri doza ilə bağlıdır. Kiçik miqdarda kofein təhlükəsiz sayılır, lakin həddindən artıq istehlak orqanizmin dehidrasiyasına və digər problemlərə yol aça bilər.

Mütəxəssislər məsləhət görürlər ki, uzunmüddətli və intensiv məşqlərdən dərhal sonra kofein qəbul etməkdən çəkinilsin, gündəlik istifadədə isə doza diqqətlə seçilsin.