Zoğal həm dadı, həm də zəngin qida tərkibi ilə sağlamlıq üçün son dərəcə faydalı meyvələrdən biridir. Təbabətdə qədimdən istifadə olunan bu meyvə orqanizmi gücləndirir, bir çox xəstəliklərin qarşısının alınmasında mühüm rol oynayır.

Foodinfo.az zoğalın əsas faydalarını təqdim edir:

1. İmmuniteti möhkəmləndirir

Tərkibindəki yüksək C vitamini orqanizmi virus və bakteriyalara qarşı daha dözümlü edir.

2. Qan dövranını yaxşılaşdırır

Zoğal qanın durulaşmasına kömək edir, ürək-damar xəstəlikləri riskini azaldır.

3. Həzm sisteminə faydalıdır

Meyvənin turş dadı mədə şirəsinin ifrazını artırır, həzmi asanlaşdırır.

4. Antimikrob və iltihab əleyhinə təsir göstərir

Soyuqdəymə, boğaz ağrısı və qrip zamanı zoğal şirəsi ənənəvi müalicə vasitəsi kimi istifadə olunur.

5. Qan azlığına qarşı faydalıdır

Dəmir və digər minerallarla zəngin olduğu üçün qanazlığının qarşısını almağa kömək edir.

6. Sidikqovucu təsirə malikdir

Böyrəklərin fəaliyyətini yaxşılaşdırır, sidik yolları infeksiyalarının qarşısının alınmasında faydalıdır.

7. Qocalmanı ləngidir

Antioksidant maddələr sayəsində hüceyrələrin yenilənməsinə dəstək olur və orqanizmi sərbəst radikallardan qoruyur.

Mütəxəssislər zoğalın təzə halda yeyilməsini, həmçinin kompot, mürəbbə və şirə formasında qəbul edilməsini məsləhət görürlər. 

Lakin turşuluq dərəcəsi yüksək olduğundan mədə xorasından əziyyət çəkənlər ehtiyatla istifadə etməlidirlər.