Qan şəkərinin sabitliyi ümumi sağlamlıq üçün çox önəmlidir. Onun pozulması bir çox xəstəliklərə, xüsusilə şəkərli diabetə səbəb ola bilər. Foodinfo.az xəbər verir ki, diyetoloq və qidalanma mütəxəssisi İrina Pisareva bildirib ki, ulun çayı, yəni yarı fermentləşdirilmiş çay, qan şəkərini tənzimləməkdə çox faydalıdır.
Həkim qeyd edib ki, bu çay bitki mənşəli faydalı maddələr ilə zəngindir. Bu maddələr qan şəkərini tənzimləyən hormonun fəaliyyətini yaxşılaşdırır, mədəaltı vəzinin hüceyrələrini qoruyur və şəkərin qana yavaş qarışmasına səbəb olur. Nəticədə qan şəkəri daha sabit qalır və şəkərli diabet riski azalır.
Pisareva əlavə edib ki, bu çay ikinci tip şəkərli diabetin qarşısının alınmasında faydalıdır. Bundan əlavə, ulun çayı bədən maddələr mübadiləsini sürətləndirir, həzmi yaxşılaşdırır və ümumi sağlamlığa müsbət təsir göstərir.
Həkim tövsiyə edir ki, çayı gündə bir neçə dəfə içmək həm qan şəkərinin sabit qalmasına, həm də bədənin ümumi sağlamlığının qorunmasına kömək edir. Qeyd etmək lazımdır ki, ulun çayı Çin mənşəli xüsusi bir çay növüdür və yarı fermentləşdirilmiş çay kateqoriyasına daxildir.
