Son illər immunitetin möhkəmləndirilməsi mövzusu daha da актuallaşıb. Bu prosesdə Koenzim Q10 (CoQ10) mühüm rol oynayır. 

Foodinfo.az xəbər verir ki, hüceyrələrin enerji istehsalında iştirak edən bu maddə eyni zamanda orqanizmin müdafiə mexanizmlərinin güclənməsinə kömək edir.

Koenzim Q10 hüceyrələrin enerji mərkəzi sayılan mitoxondrilərdə ATP sintezində iştirak edir. Enerji ilə təmin olunan hüceyrələr infeksiyalara qarşı daha davamlı olur və immun sistemin hüceyrələri daha aktiv fəaliyyət göstərir.

CoQ10 güclü antioksidant təsirə malikdir. Bu xüsusiyyət hüceyrələri sərbəst radikalların zərərli təsirindən qoruyur, oksidləşmə stresini azaldır və xroniki iltihab riskini aşağı salır. Nəticədə immun sistem daha balanslı işləyir.

Bildirilir ki, yaş artdıqca orqanizmdə Koenzim Q10-un səviyyəsi azalır. Bu səbəbdən 40 yaşdan yuxarı şəxslər, tez yorulanlar, stresli həyat tərzi keçirənlər və xroniki xəstəlikləri olanlar üçün CoQ10 daha faydalıdır.

Koenzim Q10 yağlı balıqlar, qırmızı ət, qoz-fındıq və yaşıl tərəvəzlərdə mövcuddur. Lakin mütəxəssislər vurğulayırlar ki, gündəlik qida rasionu ilə kifayət qədər CoQ10 qəbul etmək çətin olduğundan, bəzi hallarda qida əlavələrinə ehtiyac yaranır. Həkim məsləhəti olmadan əlavələrin istifadəsi isə tövsiyə edilmir.

Koenzim Q10-un düzgün və nəzarətli istifadəsi immunitetin möhkəmlənməsinə, hüceyrələrin enerji balansının qorunmasına və ümumi sağlamlığın yaxşılaşmasına töhfə verir.