Çox insan artıq çəkidən azad olmaq üçün qidalarından karbohidratları çıxarır, onları arıqlamanın və diabet riskinin əsas səbəbi hesab edir. Foodinfo.az BB.LV-ə istinadla xəbər verir ki, dietoloq, tibb elmləri doktoru Culi Apton izah edir ki, bəzi karbohidratlar sağlamlıq və forma üçün zərərsiz olmaqla yanaşı, bədən üçün faydalıdır.

Mütəxəssisin sözlərinə görə, faydalı karbohidratlar lif, vitaminlər, minerallar və bioloji aktiv birləşmələrlə zəngindir. Onlar həzm sistemini dəstəkləyir, immuniteti gücləndirir və xroniki xəstəliklərin, o cümlədən tip 2 diabet və ürək-damar xəstəliklərinin riskini azaldır.

Xüsusilə faydalı məhsullar bunlardır:

• Meyvə və giləmeyvə: portağal, greyfurt, mango, alma, gilas, banan, qarağat, çiyələk, moruq. Bunlar vitamin və antioksidantlarla zəngindir, maddələr mübadiləsini yaxşılaşdırır və çəkiyə nəzarət etməyə kömək edir.

• Tərəvəzlər: yerkökü və çuğundur. Çuğundur nitrat və betalainlərlə zəngindir, əzələlərə oksigenin daşınmasını artırır, qan təzyiqini azaldır və güclü antioksidant təsir göstərir. Yerkökü isə görmə qabiliyyətini, dəri sağlamlığını, immuniteti və ürək-damar sistemini dəstəkləyir, sümükləri möhkəmləndirir.

Culi Apton vurğulayır ki, sadalanan bütün məhsullar karbohidrat ehtiva etsə də, sağlam qidalanmanın əsasını təşkil edir və arıqlamağa təhlükəsiz dəstək olur. O, karbohidratları bədənin əsas makroelementi kimi qiymətləndirərək, gündəlik qidalanmada mütləq yer almasını tövsiyə edir.