Ət məhsulları kateqoriyasına aid kolbasa və sosiskalar geniş istifadə olunur. Foodinfo.az bildirir ki, bu məhsulların tərkibində yüksək miqdarda duz, nitrit və konservantlar mövcuddur. Nitritlər xüsusilə mədə xərçəngi riskini artıran maddələr kimi tanınır.

Eyni zamanda bu məhsulların protein dəyəri təzə ət qədər yüksək olmur. Kolbasa və sosiskalarda tez-tez süni dadlandırıcılar və boyalar istifadə olunur. Ucuz məhsullarda isə soya, nişasta və sümüklü kütlə kimi dolğu maddələr olur. 

Müntəzəm şəkildə bu məhsulları qəbul etmək piylənmə və ürək-damar problemlərinə səbəb ola bilər. Uşaqlar üçün xüsusilə təhlükəlidir. Təbii kolbasa və ya ev şəraitində hazırlanan məhsullar daha təhlükəsizdir. 

Hətta ən keyfiyyətli məhsullar da həftədə 1–2 dəfədən artıq istifadə olunmamalıdır. Yeməklərdə əsas zülal mənbəyi kimi təbii ətə üstünlük verilməlidir. 

Hazır ət məhsulları daha çox ləzzət, amma daha az sağlamlıq deməkdir.