Bəzən günün ortasında enerjinin tükəndiyini hiss edirik və çoxları bu vəziyyətdən çıxmaq üçün qəhvə və ya enerji içkilərinə müraciət edir. Foodinfo.az bildirir ki, dietoloq Bleyk Livingud Lenta.ru və Daily Mirror vasitəsilə açıqlamasında xiyarın enerji içkilərinə gözlənilməz alternativ olduğunu söyləyib.

Ekspertin sözlərinə görə, enerji içkilərində əsas faydalı komponentlər elektrolitlər və B qrupu vitaminləridir. Lakin eyni maddələr xiyarın tərkibində də mövcuddur. Xüsusilə B1, B2 və B3 vitaminləri enerji bərpasına kömək edir və bədənin digər vacib funksiyalarını dəstəkləyir.

Bundan əlavə, xiyar bir qədər maqnezium, fosfor, kalsium və həzm sistemi üçün faydalı olan liflə zəngindir. Liviqoud tövsiyə edir ki, günün ikinci yarısında enerji tükənirsə, enerji içkilərinə və kofeinə əl atmadan sadəcə xiyar yemək kifayətdir.

Mütəxəssis qeyd edib ki, bu təbii məhsul həm kalorisizdir, həm də orqanizm üçün əlavə faydalar verir. Lif tərkibi həzm sistemini dəstəkləyir, minerallar isə ümumi sağlamlığa müsbət təsir göstərir.

Beləliklə, xiyar yalnız salat və tərəvəz garniri kimi deyil, həm də gün ərzində enerji bərpası üçün təbii və sağlam alternativ hesab olunur. Bu üsul həm bədənin tələblərinə cavab verir, həm də kofein və süni enerji içkilərinin mənfi təsirlərindən qoruyur.