Bir çox insan çəki azaltmaq üçün günorta yeməyindən imtina edir, lakin bu, bədənin metabolizmini ciddi şəkildə poza bilər. Foodinfo.az xəbər verir ki, Yaponiyanın Kioto Universitetinin alimləri 1200 nəfərin qidalanma vərdişlərini izləyərək günorta yeməyini buraxmağın nəticələrini təhlil ediblər.

Tədqiqatçı Dr. Kenji Watanabe “Japan Times”a bildirib ki, günorta yeməyindən imtina edən şəxslərdə bədən enerjisini saxlama rejiminə keçirir və nəticədə yağ yandırma prosesi yavaşlayır. “Bu, əslində arıqlamaq əvəzinə, uzunmüddətli çəki artımına gətirib çıxara bilər,” – deyə o qeyd edib.

Alimlər müəyyən ediblər ki, günorta yeməyi bədənin hormon balansının tənzimlənməsində əsas rol oynayır. Xüsusilə, insulin və leptin səviyyələrindəki dəyişikliklər iştahanı artırır və axşam yeməyi zamanı həddindən artıq qidalanmaya səbəb olur.

Watanabe əlavə edib ki, bu vərdiş həm də ürək-damar sağlamlığına zərər vurur və xolesterin səviyyəsini artırır. Onun sözlərinə görə, günorta yeməyi buraxıldıqda orqanizmin enerji dövranı pozulur və bu da 2-ci tip diabet riskini artırır.
Ekspert tövsiyə edir ki, hətta az miqdarda olsa belə, balanslı günorta yeməyi qəbul etmək sağlamlıq üçün vacibdir.