Düzgün üsuldan istifadə etməklə avokadonu 1 aya qədər təzə saxlamaq mümkündür və bunun üçün ən effektiv metod dondurucudan yararlanmaqdır.

Foodinfo.az xəbər verir ki, avokadonu bütöv şəkildə dondurmaq yaxşı nəticə vermir. Ən optimal üsul meyvəni iki yerə bölüb çəyirdəyini çıxarmaq, içini qaşıqla ayırmaq və qaralmağın qarşısını almaq üçün üzərinə bir qədər limon suyu əlavə etməkdir. 

Daha sonra avokado püresi hava keçirməyən qaba qoyularaq dondurucuya yerləşdirilir. Bu şəkildə məhsulun həm rəngi, həm də dadı uzun müddət dəyişmir.

Bu metod avokadonun 1 aya, bəzi hallarda isə 2 aya qədər təzə qalmasına imkan yaradır. Alternativ olaraq avokadonu soyuducuda saxlamaq istəyənlər üçün qısa müddətli üsul da mövcuddur: kəsilmiş hissəyə limon suyu çəkmək və tam təmaslı şəkildə streçlə bağlamaq meyvəni 5–7 gün qoruyur.

Avokadonun dondurularaq saxlanması həm israfın qarşısını alır, həm də qida dəyərinin qorunmasına kömək edir.