Dünyanın ən məşhur içkilərindən biri olan qəhvənin sağlamlığa təsiri hələ də araşdırılır. Bəzi tədqiqatlar göstərir ki, qəhvə daha az ölüm riski ilə əlaqələndirilir. Digər tərəfdən, 2-ci tip diabet, piylənmə və bəzi xərçəng növləri riskini azalda biləcəyi də məlumdur.
Qəhvənin sağlamlığa bəzi faydaları olması o demək deyil ki, hər kəs onu içməlidir. İstehlakçıların qəhvəni necə içməsi də həlledicidir. Məsələn, qəhvəyə şəkər və krem əlavə etmək qəhvənin potensial faydalarını inkar edə bilər.
The New England Journal of Medicine-də dərc edilən yeni bir araşdırmada qəhvənin ürək aritmiyalarına, aktivlik səviyyəsinə, yuxuya və qan şəkərinə təsirləri araşdırılıb.
100 sağlam yetkin iştirakçının daxil olduğu tədqiqat randomizə edilmiş sınaq kimi hazırlanmışdır. 2 həftə ərzində iştirakçılardan məlumatlar toplanıb.
İştirakçıların ürək ritmlərini yoxlamaq üçün elektrokardioqram (EKQ) monitorlarından, addım sayı və yuxu vaxtını izləmək üçün isə Fitbit cihazlarından istifadə edilib. İştirakçıların qan şəkərinin səviyyəsini izləmək üçün davamlı qlükoza monitorundan da istifadə edilmişdir.
İştirakçılar daha sonra qruplara bölündülər, iki gün ərzində qəhvə içmək və ya kofeindən uzaq durmaq tövsiyə edildi. İştirakçıların bu qruplara təsadüfi bölgüsü 14 gün davam etdi. Beləliklə, heç bir iştirakçı iki gündən çox qəhvə içməyib və ya ondan qaçmayıb.
Araşdırma nəticəsində məlum olub ki, qəhvə içənlər gündə 1000 addım daha çox atırlar, lakin qəhvə içməyənlərlə müqayisədə 30 dəqiqə az yatırlar. Bundan əlavə, qəhvə içənlərdə əlavə ürək döyüntülərinin bir növü olan vaxtından əvvəl mədəciklərin daralma ehtimalı 50% daha çox idi.
Qəhvə içməyin insanlara fərqli təsir etdiyini ortaya qoyan araşdırma, istehlakçıların qəhvə istehlakı ilə bağlı mütəxəssislərdən və ya sağlamlıq qurumlarından kömək ala biləcəyini ifadə edib.
Fərid
