Brokoli kələm ailəsinə aid olan, çox faydalı və qida dəyəri yüksək bir tərəvəzdir. Tərkibindəki vitamin, mineral və antioksidantlar sayəsində həm uşaqlar, həm də böyüklər üçün çox yararlıdır.

Foodinfo.az brokolinin faydalarını təqdim edir:

1. İmmuniteti gücləndirir – C vitamini ilə zəngindir, orqanizmi infeksiyalardan qoruyur.

2. Xərçəngə qarşı qoruyucu təsir göstərir – Sulforafan adlı maddə hüceyrələrin mutasiyasının qarşısını alır.

3. Həzm sisteminə kömək edir – Liflə zəngin olduğu üçün bağırsaq fəaliyyətini yaxşılaşdırır.

4. Ürək sağlamlığını qoruyur – Xolesterini azaldır, damarların elastikliyini artırır.

5. Dəri və saç üçün faydalıdır – A, C və E vitaminləri sayəsində dərini parlaq və sağlam saxlayır.

6. Sümük və diş sağlamlığına müsbət təsir edir – K vitamini və kalsiumla zəngindir.

Brokoli salatlarda, şorbalarda və ya ət yeməklərinin yanında əlavə kimi istifadə olunur.

Püre və ya yumurta ilə qovurma şəklində də dadlı olur.

Bu tərəvəzi həddindən artıq çox bişirmək vitaminlərinin itirilməsinə səbəb olur. Qaz və köp problemi yaşayanlarda bəzən diskomfort yarada bilər.