Səhər saatlarında ət yeməyinin orqanizmə təsiri ilə bağlı yeni məlumat yayılıb. Foodinfo.az NEWS.ru saytına istinadla xəbər verir ki, qida üzrə mütəxəssis Canna Antonyuk bu mövzuda bir sıra vacib məqamları açıqlayıb.

Onun sözlərinə görə, səhər vaxtı həzm sistemi artıq işə hazır olur və orqanizmin zülal və yağların parçalanması üçün lazım olan turşuları ifraz etməsi normal fizioloji prosesdir. Mütəxəssis bildirir ki, sağlam insan üçün səhər yeməyində ət yemək ümumilikdə zərərli hesab edilmir və orqanizm bu yükün öhdəsindən gəlir.

Antonyuk qeyd edir ki, burada üç əsas amilə diqqət yetirilməlidir. Birincisi, hər bir insanın fərdi xüsusiyyətləri nəzərə alınmalıdır. Həzm sistemi ilə bağlı uzunmüddətli narahatlığı olan şəxslərdə ağır qida ilə günə başlamaq diskomfort yarada bilər. İkincisi, ətin miqdarı və növü önəmlidir. Mütəxəssis səhər vaxtı 150 qramdan artıq olmayan, az yağlı və buğda və ya suda bişirilmiş ət yeməyi məsləhət görür. Üçüncüsü isə balans məsələsidir: ət yeməyini tərəvəz, göyərti və ya tam dənli çörəklə birlikdə yemək həzmi yüngülləşdirir və gün ərzində davamlı güc verir.

Qida üzrə mütəxəssis onu da vurğulayıb ki, hər kəs bədəninin işarələrini nəzərə almalıdır. Əgər belə bir səhər yeməyindən sonra yorğunluq və ya ağırlıq hissi yaranırsa, bu halda bədənin daha yüngül zülalları və ya mürəkkəb unlu qidaları daha rahat qəbul etdiyini göstərir.

Antonyukun fikrincə, səhər menyusunun düzgün qurulması günün ümumi enerjisinin tənzimlənməsində mühüm rol oynayır və hər kəs öz bədəninin uyğunluğuna əsasən seçim etməlidir.