Pəhriz saxlayan bir çox insan arıqlamaq istədiyi halda nəticə əldə edə bilmir. Bunun səbəbi bəzən “sağlam” hesab edilən bəzi qidaların yanlış istifadəsidir.

Foodinfo.az xəbər verir ki, aşağıdakı 8 qida həddindən artıq və ya düzgün olmayan şəkildə qəbul edildikdə arıqlama prosesinə əngəl yarada bilər.

1. Quru meyvələr – Vitamin və liflə zəngin olsa da, çox yüksək kalorilidir. Kiçik bir ovuc belə 200-300 kalori təşkil edə bilər.

2. Qoz-fındıq və badam – Sağlam yağların mənbəyidir, lakin nəzarətsiz yeyildikdə arıqlama əvəzinə çəki artışına səbəb ola bilər.

3. Qranola və müsli – “Diyet yeməyi” kimi tanınsa da, tərkibində gizli şəkər və bal çox ola bilər.

4. Meyvə şirələri – Təbii görünsə də, sıxılmış meyvə şirələri lifdən məhrumdur və şəkər miqdarı olduqca yüksəkdir.

5. Tam buğda çörəkləri – Digər çörəklərə nisbətən faydalı olsa da, çox qəbul edildikdə karbohidrat yükü artır.

6. Qatıq və “fitnes” desertləri – Bəzi hazır qatıqlarda gizli şəkər və dadlandırıcılar var. Bu da arıqlama prosesinə mənfi təsir göstərə bilər.

7. Avokado – Sağlam yağlarla zəngindir, amma kalorisi çox olduğuna görə pəhrizdə miqdara diqqət edilməlidir.

8. “Sağlam” qəlyanaltılar – Etiketində “diyet” və ya “fitnes” yazılsa da, bir çox paketlənmiş qəlyanaltılar yüksək duz, şəkər və yağ ehtiva edir.

Sağlam qidaları düzgün miqdarda istehlak etmək arıqlama prosesində əsas şərtdir. “Çox faydalıdır” deyə ölçüsüz qəbul edilən qidalar gizli şəkildə çəki itirməyə mane ola bilər.