Makadamiya qozunun şirin, kremli dadı var, vanil və badam notları ilə zəngindir. Foodinfo.az xəbər verir ki, bu səbəbdən tez-tez desertlərə əlavə olunur və sağlamlıq üçün də faydalıdır.

Faydaları

Makadamiya qozu yüksək keyfiyyətli zülal, vitaminlər (A, E, B qrupu), minerallar, lif və antioksidantlarla zəngindir. Onun tərkibində xolesterin az, zülal çoxdur.

Əsas minerallar: kalsium, selenium, mis, fosfor, sink, kalium, maqnezium. Vitaminlər: B1, B2, B5, B6, B9, C, E, PP.

Makadamiya qozu və onun soyuq sıxım üsulu ilə əldə edilən yağı:

Migren və vitamin çatışmazlığı zamanı faydalıdır

Artrit və varikoz xəstəliklərinə müsbət təsir göstərir

Qan dövranını yaxşılaşdırır

Onkoloji xəstəlik riskini azaldır

Potensiyanın bərpasına kömək edir

Vitaminlər sinir sisteminin normal fəaliyyəti üçün də önəmlidir.

Gündəlik qəbul miqdarı

Həddindən artıq istehlak mədə-bağırsaq narahatlığına və digər mənfi təsirlərə səbəb ola bilər. Yetkin və sağlam insan üçün gündə 30–45 qram makadamiya qozu kifayətdir.

Təhlükələri

Əsas risk qida allergiyasıdır. Əgər digər qoz növlərinə allergiyanız varsa, ehtiyatlı olmaq lazımdır.

Makadamiya həmçinin yağ miqdarı yüksək qoz növüdür. Həddindən artıq istehlak xolesterinin yüksəlməsinə və ürək-damar xəstəliklərinin yaranmasına səbəb ola bilər.