Qış mövsümündə artan infeksiyalara qarşı immuniteti gücləndirən ən təsirli tərəvəz şirələri orqanizmin müdafiə sistemini gücləndirərək xəstəlik riskini azaldır.

Foodinfo.az xəbər verir ki, immunitet üçün ən faydalı şirələr arasında kök şirəsi ilk sıradadır. Tərkibindəki A vitamini və beta-karotin bədənin infeksiyalara qarşı dayanıqlığını artırır. Çuğundur şirəsi qanın oksigenləşməsini yaxşılaşdırdığı və iltihab əleyhinə təsir göstərdiyi üçün mütəxəssislər tərəfindən ən təsirli seçimlərdən biri kimi göstərilir.

Həmçinin kələm və brokoli şirəsi yüksək C vitamini ilə immun sistemi aktivləşdirir. 

Kərəviz şirəsi isə antioksidant təsiri və həzmi yaxşılaşdırması ilə bədənin müdafiə mexanizmini gücləndirir.

Xüsusi olaraq zəncəfil–kök qarışığına diqqət etmək lazımdır. Bu qarışıq antibakterial və antiviral xüsusiyyətləri ilə qış aylarında boğaz ağrısı, öskürək və soyuqdəymə hallarına qarşı təbii qoruyucu vasitə hesab olunur.

Sarı bibər, ispanaq və pomidor şirələri də zəngin vitamin tərkibi ilə immuniteti dəstəkləyən ən təsirli tərəvəz şirələri arasında yer alır.

Bu şirələr həm qrip mövsümündə, həm də ilboyu bədənin müdafiə gücünü artırmağa kömək edir.