Yumurtaya qarşı allergiya daha çox uşaqlarda rast gəlinən qida allergiyalarındandır. Səbəb yumurtanın tərkibindəki zülallara, xüsusilə də yumurta ağındakı zülallara qarşı immun reaksiyadır.
Foodinfo.az AQTİ-yə istinadla yumurtaya qarşı allergiyanın əlamətlərini təqdim edir:
- Dəridə səpgilər, qızartı, qaşınma
- Üz, dodaq və göz qapaqlarında şişkinlik
- Qarın ağrısı, qusma, ishal
- Öskürək, nəfəs darlığı
- Nadir hallarda anaflaksiya
Yumurtaya allergiyası olan uşaqlarda gələcəkdə allergik rinit və astma riski arta bilər.
Yumurta təkcə açıq formada deyil, şirniyyatlar, makaronlar, çörək, bulka, dondurma və souslarda da yer alır.
Uşaqlarımızın sağlamlığı üçün diqqətli olaq, mütləq məhsul etiketlərini oxuyaq!
