Orqanizmdə qan azlığı, yəni Anemiya zamanı düzgün qidalanma böyük əhəmiyyət daşıyır. Qan yaranmasında əsas rol oynayan maddələrdən biri dəmir, fol turşusu və B12 vitaminidir. Bu maddələrlə zəngin qidalar qan səviyyəsinin yüksəlməsinə kömək edir.

Foodinfo.az xəbər verir ki, xüsusilə qırmızı ət dəmir baxımından zəngindir və qanın artmasına kömək edən əsas qidalardan hesab olunur. Bundan əlavə, Qaraciyər də B12 vitamini və dəmir tərkibi ilə qan yaranmasını dəstəkləyir.

Bitki mənşəli qidalar arasında isə ispanaq və lobya mühüm yer tutur. Bu qidalar həm dəmir, həm də digər faydalı minerallarla zəngindir və qan səviyyəsinin yüksəlməsinə kömək edir.

Həmçinin nar, çuğundur və xurma kimi meyvələrin də qan üçün faydalı olduğu bildirilir. Bu qidalar vitamin və antioksidantlarla zəngindir və ümumi sağlamlığa müsbət təsir göstərir.

Dəmirin orqanizmdə daha yaxşı sorulması üçün C vitamini ilə zəngin qidalar da qəbul edilməlidir. Əgər qan azlığı ciddi səviyyədədirsə, mütləq həkim məsləhəti almaq və lazım olduqda müalicə aparmaq vacibdir.