Alimlər darçının beyin sağlamlığına və Alzheimer xəstəliyinə təsiri ilə bağlı maraqlı nəticələr açıqlayıb.
Foodinfo.az xəbər verir ki, bu ədviyyatın tərkibindəki bəzi maddələr yaddaş zəifləməsini ləngidir.
**Antioksidant gücü ilə tanınır**
Darçının tərkibindəki sinnamaldehid və epikatexin adlı antioksidantlar sinir hüceyrələrini zədələnmədən qorumağa kömək edir. Araşdırmalar göstərir ki, bu maddələr beyində Alzheimer xəstəliyinə səbəb olan zülal yığılmasını ləngidə bilər.
Mütəxəssislər qeyd edirlər ki, darçın qan dövranını yaxşılaşdıraraq beynin oksigenlə təminatını artırır. Bu isə diqqət, yaddaş və konsentrasiyaya müsbət təsir göstərir.
Darçın Alzheimer xəstəliyinin qarşısını tam ala bilmir, sadəcə risk faktorlarını azalda və prosesin gedişini yavaşlada bilir. Buna görə də onu gündəlik qidalanmaya əlavə etmək faydalı sayılsa da, müalicə məqsədilə həkim nəzarəti olmadan istifadəsi tövsiyə edilmir.
Darçının həddindən artıq qəbulu, xüsusilə “Kasya” növü, qaraciyərə zərər verə bilər. Ona görə də miqdarı düzgün tənzimləmək vacibdir.
Darçın beyin sağlamlığı üçün faydalı dəstək vasitəsi ola bilər, lakin Alzheimer xəstəliyinin müalicəsində əsas üsul kimi qəbul edilmir.
