Qədim Şərq təbabətindən bəri istifadə edilən qara küncüt yağı bu gün də öz möcüzəvi təsiri ilə diqqət çəkir.

Foodinfo.az xəbər verir ki, bu təbii yağın tərkibindəki E vitamini və güclü antioksidantlar immunitet sistemini gücləndirir, orqanizmi xəstəliklərə qarşı daha davamlı edir. Qara küncüt yağı həmçinin iltihabəleyhinə təsir göstərərək oynaq ağrılarını və daxili orqanlarda yaranan şişkinlikləri azaltmağa yardım edir. Ürək-damar sisteminin qorunmasında da əhəmiyyətli rola malikdir, çünki xolesterolu tənzimləyir və qan dövranını yaxşılaşdırır. 

Saç və dəri sağlamlığına təsiri ilə seçilən bu yağ saç tökülməsinin qarşısını alır, dərini nəmləndirir və dırnaqları möhkəmləndirir. Tərkibindəki sink və maqnezium isə stressi azaltmağa, sinir sistemini sakitləşdirməyə və yuxu rejimini normallaşdırmağa kömək edir. Həm daxili, həm də xarici istifadəyə uyğun olan bu məhsul sağlam həyat tərzinə keçid üçün tövsiyə edilən təbii vasitələrdən biridir.