Bəzi uşaqların ət yeməməsi valideynləri narahat edə bilər. Foodinfo.az xəbər verir ki, qidalanma üzrə mütəxəssis, The Nutrition Society üzvü və UNICEF-in sertifikatlı uşaq qidalanması mütəxəssisi Viktoriya Vişnyakova bu vəziyyətlə bağlı məsləhətlər verib.

Ekspert bildirir ki, uşaqların ət yeməməsinin bir neçə səbəbi ola bilər: ətın toxuması və qoxusu onlara xoş gəlməyə bilər, çətin çeynənən ət balaca uşaqlarda narahatlıq yarada bilər, həmçinin əvvəlki mənfi təcrübələr – məsələn, qurudulmuş və ya çox ədviyyatlı yeməklər – uşağın ətdən qaçmasına səbəb ola bilər. Ailə vərdişləri də rol oynayır: valideynlər az ət yeyirsə, uşaq da buna alışmaya bilər.

Vişnyakova qeyd edir ki, ət uşağın rasionunda mütləq olmalı deyil. Artıq qırmızı ətin həddindən çox istehlakı bəzi xəstəlik risklərini artırır. Əsas məsələ uşağın kifayət qədər zülal və dəmir almasını təmin etməkdir.

Əti əvəz etmək üçün aşağıdakı məhsullara üstünlük verilə bilər:

Zülal: toyuq, balıq, dəniz məhsulları, yumurta, süd məhsulları, paxlalılar, qoz-fındıq və toxumlar;

Dəmir: tam taxıllar, tünd yaşıl tərəvəzlər, paxlalılar, tam buğda çörəyi, quru meyvələr, dəmir ilə zənginləşdirilmiş məhsullar.

Uşağı ətlə “dostlaşdırmaq” üçün məsləhətlər: yumşaq formalar – kotlet, köftə, pürelər; sevdiyi yeməklərlə kombinə etmək – məsələn, ət + kartof və tərəvəz; oyunvari təqdimat – mini şişlər, ət topları, “super qəhrəman yeməyi”; yeməyi birgə hazırlamaq və ya restoran tərtibatından istifadə etmək.

Vişnyakova vurğulayır ki, uşağı zorla ət yeməyə məcbur etmək lazım deyil. Əsas odur ki, rasion müxtəlif olsun və kifayət qədər zülal və dəmir mənbələri mövcud olsun. Uşağa gün ərzində 3 porsiya (əl boyu ölçüsündə) bitki mənşəli zülal təqdim etmək kifayətdir: məsələn, noxud şorbası, bir ovuc qoz-fındıq, paxlalı quesadilla və ya noxudlu tacos. Yeni yeməkləri tədricən rasiona əlavə etmək tövsiyə olunur.

Mütəxəssis xatırladır ki, sağlam qidalanma balansdır, müəyyən məhsulun məcburi olması deyil.