Qəhvə növləri arasında çox insanın vazkeçilməzi olan türk qəhvəsi sağlamlığa olan faydalarına görə tez-tez istehlak edilir. Doğru miqdarda və uyğun vaxtlarda istehlak edilən türk qəhvəsi depressiya, Parkinson və Alzheimer kimi ruhi xəstəliklərə qarşı müsbət təsirləri ilə tanınır.
Foodinfo.az xəbər verir ki, türk qəhvəsinin faydalarını artırmaq üçün müxtəlif üsullar var. Bu üsullar arasında faydasını ikiqat artıran təzə nanə üsulu ən təsirli üsul kimi tanınır.
A və C vitaminləri ilə yanaşı maqnezium, kalium, kalsium, omeqa-3, fol turşusu və dəmirlə zəngin olan nanə qəhvə ilə birləşdirildikdə həm öz tərkibindəki faydaları, həm də faydalarını birləşdirərək şəfa mənbəyinə çevrilir.
Nanəli qəhvə sağlamlıq üçün çox faydalıdır, çünki həm qəhvə, həm də nanə bədəndə sərbəst radikallarla mübarizə aparmağa kömək edən antioksidanlar ehtiva edir.
Eyni zamanda nanə həzm sisteminə rahatlaşdırıcı təsir göstərdiyi üçün qəhvənin mədə narahatlığına səbəb ola biləcək təsirlərini azaltmaqda da təsirlidir.
Həm qəhvə, həm də nanə enerji səviyyəsini artıraraq diqqəti cəmləməyə kömək edir.
Bundan əlavə, nanə ağız qoxusunu aradan qaldırmağa da kömək edir. Kofe içdikdən sonra ağızda qalan qoxunu da neytrallaşdıra bilir.
Nanənin bədənə faydaları olduqca müxtəlifdir. Nanənin tərkibində olan yüksək antioksidantlar orqanizmi sərbəst radikallardan qoruyur və immunitet sistemini gücləndirir.
Həzm sistemini tənzimləyərək həzm problemlərinə də yaxşı təsir edir.
Təravətləndirici qoxusu və dadı sayəsində nanə stressi azaldan təsirə malikdir və zehni rahatlama təmin edir.
Tərkibindəki mentol sayəsində tənəffüs yollarını rahatlaşdırır.
