Dietoloqlar deyirlər ki, səhər yeməyində səhv yemək vərdişləri qarın piylənməsinə səbəb ola bilər.
Foodinfo.az xəbər verir ki, qarın yağlarının əmələ gəlməsi bu gün insanların ən böyük narahatlıqlarından biridir. Qarın piylənməsinə saysız-hesabsız amillər təsir edir ki, bunlardan biri də düzgün qidalanmamadır.
Çoxsaylı araşdırmalar göstərir ki, səhər yeməyi ən vacib və əsas gündəlik yeməkdir. Sağlam və qidalı səhər yeməyi bədənin gündəlik ehtiyaclarını ödəməkdən əlavə, qarın yağının azalmasına da kömək edə bilər. Əslində, sağlam səhər yeməyi yemək maddələr mübadiləsini (bədən mübadiləsini) artıraraq yağların və piylənmənin səviyyəsini azaltmağa kömək edə bilər.
Düz və yağsız bir mədəyə sahib olmaq üçün şişkinliyin qarşısını almaq da vacibdir. Şişkinlik pəhriz, hormonal dəyişikliklər və qida allergiyası kimi bəzi spesifik problemlərdən qaynaqlana bilər.
Şişkinliyin qarşısını almaq, qəbizlik riskini azaltmaq üçün səhər yeməyində yüksək miqdarda protein və yaxşı səviyyədə lif yemək çox vacibdir. Digər tərəfdən, yüksək şəkər ehtiva edən səhər yeməyi yemək, piylənmə ilə yanaşı, vaxtından əvvəl aclıq hissi yarada bilər.
Lif pəhrizdəki ən vacib maddələrdən biridir. Əslində, kifayət qədər miqdarda lif olan pəhriz istehlakı iştahı azaldır və həzm prosesini uzadır. Bu, insanın daha az kalori istehlak etməsi deməkdir və bu, qarın yağını azaltmağa kömək edir.
Qarın yağını artıra bilən ən çox yayılmış səhər yeməyi vərdişlərinə aşağıdakılar daxildir:
1- Səhər yeməyini atlamaq
2- Səhər yeməyini tez yemək
3- Yeməkdən zülalın xaric edilməsi
4- Şirniyyat və tortlardan istifadə etmək
5- Tərkibində şəkər olan qəhvə kimi şirin içkilərdən istifadə etmək
Ümumiyyətlə səhər yeməyini atlamamaq tövsiyə olunur, çünki bu, növbəti yeməkdə daha çox yeməyə vadar edəcək. Həmçinin bəzi insanlar kalori qəbulunu azaltmaq üçün səhər yeməyini atırlar, lakin gün ərzində daim aclıq hiss etdikləri üçün şirniyyat, tort kimi yüksək kalorili və zərərli qəlyanaltılar qəbul edirlər.
Səhər yeməyində yüksək miqdarda protein, lif və təzə tərəvəzlər olması daha yaxşıdır. Həmçinin səhər yeməyində çox yağlı qidalardan istifadə etməməlisiniz. Bununla belə, yüksək səviyyədə omeqa-3 olan yağlı balıqları istehlak etmək sağlamlıq üçün faydalıdır.
