Yeni dərs ilinin başlanması ilə valideynlərin ən çox düşündüyü məsələlərdən biri də uşaqların dərslərdə daha diqqətli və enerjili olmasıdır.
Foodinfo.az xəbər verir ki, bunun əsas açarlarından biri düzgün qidalanmadır.
1. Səhər yeməyi
Dietoloqların sözlərinə görə, sağlam səhər yeməyi uşaqların dərsə daha yaxşı köklənməsinə kömək edir. Yulaf, yumurta, pendir və meyvələr yaddaşı gücləndirir və gün ərzində enerjini sabit saxlayır.
2. Omega-3 zəngin qidalar
Balıq, qoz, çia və kətan toxumu kimi omega-3 mənbələri uşaqların diqqətini artırır, beyin inkişafını dəstəkləyir və öyrənmə qabiliyyətini yüksəldir.
3. Vitamin və mineralların rolu
D vitamini, B qrupu vitaminləri, dəmir və maqnezium məktəbli uşaqlar üçün xüsusilə vacibdir. Bu qidalar yorğunluğu azaldır, psixoloji tarazlığı qoruyur və öyrənmə prosesini asanlaşdırır.
4. Şəkərli və qazlı içkilərdən uzaq durmaq
Süni şəkər və qazlı içkilər qısa müddətli enerji versə də, sonradan halsızlıq və diqqət dağınıqlığı yaradır. Uşaqların dərs müvəffəqiyyətinə mənfi təsir göstərməməsi üçün bu cür qidalardan uzaq durmaq tövsiyə olunur.
5. Su balansı
Beynin effektiv işləməsi üçün su həyati əhəmiyyət daşıyır. Gün ərzində kifayət qədər su içmək həm yaddaşı, həm də diqqəti artırır.
Uşaqların məktəb uğurlarını dəstəkləmək üçün onların gündəlik menyusuna təbii məhsullar – meyvə, tərəvəz, süd məhsulları, balıq və qoz-fındıq əlavə etmək vacibdir.
Balanslı qidalanma məktəbli uşaqların yalnız sağlam böyüməsinə deyil, həm də dərslərdə daha yaxşı nəticə göstərməsinə kömək edir.
