Ətin daha yumşaq və dadlı olması üçün marinad prosesində müxtəlif növ sirkələrdən istifadə olunur. Sirkanın tərkibindəki turşu ətin liflərini yumşaldaraq bişirilmə zamanı daha zərif tekstura əldə etməyə kömək edir.

Foodinfo.az xəbər verir ki, ən çox istifadə olunan növlərdən biri alma sirkəsidir. Bu sirkə həm yumşaq dadı, həm də təbii turşuluğu ilə ətin liflərini yumşaltmağa kömək edir və yeməyin dadını çox dəyişmir.

Bundan əlavə, üzüm sirkəsi də marinad üçün geniş istifadə olunur. Bu sirkə xüsusilə kabab və qızartma yeməklərdə ətin daha tez yumşalmasına kömək edir.

Bəzi hallarda balzam sirkəsi də istifadə edilir. Bu sirkə yeməyə həm yumşaqlıq, həm də xüsusi aroma əlavə edir.

Ətin çox turş olmaması üçün sirkə az miqdarda istifadə edilməli və adətən su, yağ və ya ədviyyatlarla qarışdırılmalıdır. Marinadın 1–3 saat saxlanılması isə daha yaxşı nəticə verir.