Avokado yalnız dəbdə olan bir meyvə deyil, həm də ürək sağlamlığı üçün əhəmiyyətli qida mənbəyidir. Foodinfo.az bildirir ki, Berlin Universiteti Klinikası həkimi doktor Hans Neumann bu mövzu ilə bağlı geniş açıqlama verib. Onun sözlərinə görə, avokado tərkibindəki mono doymamış yağ turşuları ilə xolesterin səviyyəsini tənzimləməyə kömək edir.

Neumann izah edir ki, bu yağlar LDL (pis xolesterin) səviyyəsini aşağı salaraq ürək-damar xəstəlikləri riskini azalda bilər. Həmçinin avokado kaliumla zəngindir və bu maddə qan təzyiqinin stabilləşməsində mühüm rol oynayır. Doktorun fikrincə, gündə yarım avokado yemək kifayətdir ki, faydalı təsir əldə olunsun.

Tərkibində E vitamini və antioksidantlar olan bu meyvə həm də hüceyrələri qoruyur. Neumann qeyd edir ki, avokadonun lif tərkibi həzm sisteminə də müsbət təsir göstərir. Lakin o, bu məhsulun kalori baxımından zəngin olduğunu və həddindən artıq istifadənin arzuolunmaz olduğunu vurğulayır. Mütəxəssisin açıqlaması Deutsche Gesundheit səhifəsində dərc olunub.