Qidalanma mütəxəssisləri bildirirlər ki, tahini və tut bəkməzinin birlikdə qəbulu həm dadlı, həm də sağlamlıq baxımından çox faydalıdır.
Foodinfo.az xəbər verir ki, bu qarışım, xüsusilə enerji verici, immuniteti gücləndirici və qan dəyərlərini yaxşılaşdırıcı təsirləri ilə tanınır.
Tahinin faydaları:
– Küncüt toxumundan hazırlanır və yüksək miqdarda kalsium, maqnezium, dəmir və E vitamini ilə zəngindir.
– Sümükləri möhkəmləndirir, ürək-damar sağlamlığını dəstəkləyir.
– Güclü antioksidant təsir göstərir, orqanizmi sərbəst radikallardan qoruyur.
– Sinir sistemini sakitləşdirir və beyinə enerji verir.
Tut bəkməzinin faydaları:
– Qırmızı qan hüceyrələrinin yaranmasına kömək edir, qan azlığının qarşısını alır.
– İmmuniteti gücləndirir, infeksiyalara qarşı müqaviməti artırır.
– Orqanizmi enerji ilə təmin edir, yorğunluq və halsızlığı aradan qaldırır.
– Həzm sistemini dəstəkləyir, mədə-bağırsaq sağlamlığına yaxşı təsir edir.
Mütəxəssislərə görə, tahini ilə tut bəkməzi birlikdə yeyildikdə həm dadlı bir təbii desert olur, həm də enerji bombası kimi bədənə güc verir. Xüsusilə uşaqlar, hamilə qadınlar və tez yorulan insanlar üçün faydalı sayılır.
Lakin bu qarışım yüksək kalorili olduğuna görə, həddindən artıq miqdarda istifadəsi çəki artımına səbəb ola bilər. Gündə 1-2 xörək qaşığı kifayətdir.
