Qaynadılmış yumurta — qabığı olmadan, isti, lakin qaynamayan suda bişirilən və sarısı axıcı qalan yumurta növüdür. Foodinfo.az xəbər verir ki, bu üsul sayəsində yumurtanın tərkibindəki vitamin və minerallar maksimum dərəcədə qorunur.

Sistemli qidalanma mütəxəssisi Lana Leonova bildirib ki, yumurta yüksək keyfiyyətli protein mənbəyidir. Tərkibində B, A, D və E vitaminləri, lutein, zeaksantin və beyin üçün vacib xolin var.

Qaynadılmış yumurta yağ əlavə olunmadan hazırlandığı üçün aşağı kalorili sayılır. Bir yumurtada təxminən 75 kkal, 6 q protein və 5 q yağ mövcuddur.

Mütəxəssis düzgün bişirmə qaydasını da açıqlayıb. Yumurtanı isti suda, 80-85 °C temperaturda 2,5-3 dəqiqə bişirmək və əvvəlcədən sirkə əlavə etmək tövsiyə edilir. Bu, zülalın tez bərkiməsinə və formanın pozulmamasına kömək edir.

Ən yaxşı nəticə üçün təzə yumurta istifadə etmək və yumurtanı burulğan suya salmaq məsləhətdir. Sirkə əvəzinə limon suyu da istifadə oluna bilər.

Qaynadılmış yumurta səhər yeməyində tost və avokado, salat və tərəvəzlərlə ideal uyğunluq təşkil edir. Mütəxəssis bu üsulla hazırlanmış yumurtanın həm dad, həm də sağlamlıq baxımından üstün olduğunu vurğulayıb.