Soyuqdəymə zamanı moruq mürəbbəsi içmək bir çox insanlar üçün "ənənəvi müalicə üsulu" hesab olunsa da, bu inanc tam elmi əsaslara dayanmır. Foodinfo.az xəbər verir ki, “Gemotest” laboratoriyasının qastroenteroloqu Yekaterina Kaşux bildirib ki, moruq mürəbbəsi respirator infeksiyaları sağaltmır, lakin bəzi əlamətlərin yüngülləşməsində kömək edə bilər.

Mütəxəssis qeyd edib ki, çoxları mürəbbədə yüksək miqdarda C vitamini olduğunu düşünür, lakin bu doğru deyil. Aksorbin turşusu (C vitamini) yüksək temperaturda parçalanır və mürəbbə bişirildiyi üçün həmin maddənin miqdarı minimal olur.

Buna baxmayaraq, moruq mürəbbəsi səliçilsiz turşusu ilə zəngindir – bu maddə isə aspirinin təbii analoqudur. O, yüngül ağrıkəsici, iltihab əleyhinə və temperatur salıcı xüsusiyyətlərə malikdir.

Kaşux bildirib ki, moruq mürəbbəsi baş və əzələ ağrısı zamanı rahatlaşdırıcı təsir göstərə bilər. Lakin bu təsir aspirin tabletindən fərqli olaraq zəifdir, çünki mürəbbədəki səliçilsiz turşusunun dozası çox aşağıdır.

Həkim vurğulayır ki, moruq mürəbbəsi ancaq yardımçı vasitə ola bilər, lakin ciddi virus infeksiyalarında onu əsas müalicə kimi görmək düzgün deyil. Əsasən balanslı qidalanma, maye qəbulu və həkim tərəfindən təyin olunmuş dərmanlar vacibdir.

Beləliklə, moruq mürəbbəsi dadlı və xoş bir əlavə olsa da, onunla soyuqdəyməni sağaltmaq mümkün deyil.