İspanaq dəmir mənbəyi kimi tanınsa da, bir çox digər bitki mənşəli qidalar da həm eyni, həm də daha yüksək miqdarda dəmir ehtiva edir. Foodinfo.az bildirir ki, qeydiyyatdan keçmiş diyetisyen Sarah Anzlovar ispanaqdan daha çox dəmir olan 11 qidanın adını açıqlayıb. Onun sözlərinə görə, gündəlik dəmir ehtiyacının təxminən 17 faizi (3 mq və daha çox) olan bu qidalar pəhrizdə əvəzsiz yer tutur.

Dəmirlə zənginləşdirilmiş 11 bitki mənşəli qida:

Dəmirlə zənginləşdirilmiş yulaf ezmesi – yarım fincanda 9 mq dəmir (gündəlik dəyərin 50%-i).

Ağ lobya – hər fincanda 8 mq dəmir (44%) və əlavə maqnezium, kalsium, kalium.

Soya – yarım fincanda 4,5 mq dəmir (25%), zülal və minerallarla zəngindir.

Noxud – hər fincanda 4 mq dəmir (22%), diabet və ürək xəstəlikləri riskini azaldır.

Küncüt – 3 xörək qaşığı üçün 4 mq dəmir (22%), ürək sağlamlığı üçün faydalıdır.

Mərcimək – yarım fincanda 3,3 mq dəmir (18%) və folat, maqnezium mənbəyidir.

Tofu – yarım fincanda 3 mq dəmir (17%) və yüksək zülal (22 qram), izoflavonlar ehtiva edir.

Tempeh – hər fincanda 4,5 mq dəmir (25%), fermentləşdirilmiş qida olaraq bağırsaq sağlamlığı üçün faydalıdır.

Balqabaq toxumu – yarım fincanda 3 mq dəmir (17%) və iltihab əleyhinə xüsusiyyətlərə malikdir.

Quinoa – hər fincanda 3 mq dəmir (17%) və B vitaminləri ilə zəngindir.

Anakardiya – yarım fincanda 3 mq dəmir (17%), qan şəkərinə nəzarətdə faydalıdır.

Sarah Anzlovar əlavə edir ki, sitrus meyvələri, bolqar bibəri və brokoli kimi C vitamini tərkibli qidalar dəmirin orqanizm tərəfindən mənimsənilməsini artırır. Bununla yanaşı, bitki mənşəli dəmir qaynaqları heyvan zülalları ilə birlikdə qəbulu daha yaxşı udulmanı təmin edir.

Bu siyahı, xüsusilə vegeterian və vegan qidalananlar üçün dəmir ehtiyacını qarşılamada faydalı tövsiyədir.