Birləşmiş Millətlər Təşkilatının (BMT) Ərzaq və Kənd Təsərrüfatı Təşkilatı (FAO) yanvar ayı üzrə Qlobal Ərzaq Qiymətləri İndeksini açıqlayıb. Foodinfo.az Marja.az-a istinadən xəbər verir ki, Dekabrda enən indeks yanvar ayında yenidən yüksəlməyə başlayıb. FAO-nun Ərzaq Qiymətləri İndeksi yanvarda aylıq müqayisədə 1,1%, illik müqayisədə isə 19,6 faiz artıb. Beləliklə, İndeks yanvarda 135,7 bəndə yüksəlib. Yanvar ayında bitki yağları və süd məhsulları alt indekslərindəki artımlar indeksin yüksəlməsinə səbəb olmuşdur.