Hər dişlədiyiniz zaman xırtıldayan, ləzzətindən imtina edə bilməyəcəyiniz turşuları hazırladıqdan sonra onları marketdən almaq istəməyəcəksiniz.
Foodinfo.az xəbər verir ki, turşu hazırlamağın ən vacib fəndlərindən biri istifadə etdiyiniz duzun növüdür. Turşu hazırlayarkən xörək duzu deyil, iri dənəli qaya duzunda istifadə etməlisiniz. Bunun səbəbi normal xörək duzu ilə hazırlanan turşularda qısa müddətdə yumşalma müşahidə edilməsidir. Buna görə də düzgün miqdarda qaya duzundan istifadə etmək vacibdir.
8 faiz duzlu su hazırlamaq üçün 1 litr suya 80 qram duz əlavə etmək lazımdır. Bu nisbətlə hazırladığınız hər turşu özünəməxsus dad və ləzzətlə yanaşı xarab olma ehtimalı ilə də qarşılaşmayacaq. Bu nisbət aşağı olarsa, həm yumşaldılmış turşu ilə qarşılaşa bilər, həm də zərərli bakteriyaların böyüməsinə səbəb ola bilər. Həmçinin duz çox olarsa, turşularınız yeyilməz hala gələ bilər.
Turşunun duzunun çox olduğunu anladıqda etməli olduğunuz ən vacib addım birbaşa suyu artırmaq deyil. Bunun əvəzinə marinadını yeni bir qaba tökün və sonra təmiz turşu qabının dibinə kələm yarpaqları düzün. Bunun üzərinə turşuları əlavə edin və bir az su əlavə etdikdən sonra sıx bağlayın.
Turşuya qoyduğunuz tərəvəz və meyvələri yaxşıca yuduqdan sonra bir neçə yerdən iynənin köməyi ilə deşiklər açsanız, turşu suyunun onunla təmas etməsi ilə daha asan fermentasiya əldə etmiş olarsınız.
Turşu qoyduğunuz bankanın dibinə bir ovuc noxud da əlavə edə bilərsiniz. Bu şəkildə fermentasiyanı sürətləndirə bilərsiniz. Üstəlik, daha dadlı bir ətir əldə edəcəksiniz.
