Bitki mənşəli süd ilə hazırlanan qəhvələr sağlamlıq üçün risk daşıya bilər. Foodinfo.az bildirir ki, endokrinoloq və dietoloq Elvina Binatova mümkün olduqca bu tip qəhvələrdən uzaq durmağı tövsiyə edir. Mütəxəssis qeyd edir ki, bitki mənşəli südün tərkibi çox vaxt gizli şəkər, qalınlaşdırıcılar və müxtəlif kimyəvi əlavələrlə zəngindir. Onun sözlərinə görə, xüsusilə karrajinan maddəsi mədə-bağırsaq sistemində iltihab yarada bilər.
Həmçinin, bu süd növündə zülal miqdarı inək südünə nisbətən əhəmiyyətli dərəcədə azdır. Qəhvə üzərindəki köpüyü saxlamaq və strukturunu qorumaq üçün sənaye istehsalı zamanı əlavə edilən stabilizatorlar və qalınlaşdırıcılar istifadə olunur ki, bunlar da sağlamlıq üçün faydalı deyil. Binatova bildirib ki, belə içkilərin davamlı qəbulu uzunmüddətli dövrdə həzm sistemi və metabolizmə mənfi təsir göstərə bilər.
O, sağlam qəhvə içmək istəyənlərin daha təbii üsulları, məsələn, inək südü və ya şəkərsiz alternativləri seçməsini tövsiyə edir. Ekspert əlavə edir ki, bitki mənşəli südün bəzi növlərində əlavə edilmiş vitamin və minerallar olsa da, onların orqanizm tərəfindən mənimsənilməsi həmişə optimal olmur. Qəhvə sevərlər diqqətli olduqda həm dadlı, həm də daha az zərərlı içkilərdən istifadə edə bilərlər. Bu səbəbdən bitki mənşəli süd ilə hazırlanan qəhvələr, xüsusilə də şəkər əlavə edilmiş variantlar, sağlam qida seçimi hesab edilmir.
