Tomat pastası müəyyən şərtlərlə faydalı ola bilər. Ancaq bu, onun necə hazırlandığına, içində nələrin olduğuna və nə qədər istifadə edildiyinə bağlıdır.
Foodinfo.az xəbər verir ki, tomat pastası likopen adlı güclü antioksidantla zəngindir. Bu maddə xərçəngdən və ürək xəstəliklərindən qoruyucu təsir göstərə bilər. Qeyd edək ki, pomidor bişirildikdə likopenin miqdarı daha da artır, bu baxımdan tomat pastası xeyirlidir.
A vitamini və C vitamini ehtiva edir. Bu vitaminlər immun sistemini gücləndirir və dəriyə, gözlərə faydalıdır.
Eyni zamanda, dəmir və kalium baxımından da zəngindir. Qan dövranı və əzələ funksiyaları üçün faydalıdır.
Əgər şəkər və qatqı maddələri əlavə olunmayıbsa, tomat pastası az kalorili və faydalı bir sous kimi istifadə edilə bilər.
Bəzi hazır tomat pastaları şəkər, duz, konservantlar və qatqı maddələri ilə dolu olur. Bu, sağlamlığa zərər verə bilər. Etiketində “yalnız pomidor” yazılmış məhsullar daha faydalıdır.
Hipertoniya və böyrək problemi olanlar duzlu tomat pastasından uzaq durmalıdır.
Həmçinin mədə turşuluğu problemi olan insanlarda tomat pastası narahatlıq yarada bilər.
