Təbii bal güclü təbii antioksidant olmaqla yanaşı, bir çox faydalı təsirə malikdir.

Foodinfo.az xəbər verir ki, tərkibindəki fermentlər və mikroelementlər immun sistemini möhkəmləndirir. Bal eyni zamanda öskürək və boğaz ağrılarına qarşı təsirli təbii vasitə kimi tanınır. Səhərlər ilıq su ilə qarışdırıldıqda həm həzmi yaxşılaşdırır, həm də maddələr mübadiləsini aktivləşdirir.

Mütəxəssislər qeyd edir ki, bal beyinə enerji verir və yaddaşı gücləndirir. Gecə yatmazdan öncə süd və bal qarışımı isə daha sakit və keyfiyyətli yuxuya kömək edir. Balın tərkibində təbii şəkərlər olduğundan enerji səviyyəsini tədricən yüksəldir.

Bal həmçinin dəriyə tətbiq edildikdə yumşaldıcı və qidalandırıcı effekt göstərir. Gündə bir çay qaşığı bal orqanizmi gücləndirmək üçün kifayət edir. Ancaq yalnız saf və əlavə qatqısız baldan istifadə etmək tövsiyə olunur. Təbii bal süfrələrdə sağlamlıq simvolu kimi xüsusi yer tutur.