Qara şokolad tərkibindəki flavonoidlər sayəsində beyin funksiyalarını gücləndirir. Foodinfo.az xəbər verir ki, Britaniyanın Nottingem Universitetindən neyrobioloq Dr. Ian Macdonald “ScienceDaily”yə açıqlamasında bildirib ki, flavonoidlər qan axınını artıraraq diqqət və yaddaşı yaxşılaşdırır.

Araşdırmalar göstərib ki, 70% və daha çox kakao tərkibli qara şokolad beynin frontal hissəsində qan dövranını aktivləşdirir. Bu isə qərarvermə, planlama və diqqət toplama kimi funksiyalara müsbət təsir edir. Dr. Macdonald qeyd edir ki, qara şokoladın tərkibindəki teobromin və az miqdarda kofein də enerjini artırır. Təbii ki, miqdarına diqqət etmək şərtilə bu şokolad növü gündəlik rasionda yer ala bilər. Şirin olduğu qədər faydalı olması onu unikal edir.