Konservləşdirilmiş ton balığı praktik və faydalı qida sayılsa da, onun həddindən artıq istifadəsi müəyyən sağlamlıq riskləri yarada bilər. Mütəxəssislər xüsusilə məhsulun tərkibindəki civə səviyyəsinə diqqət yetirilməsini tövsiyə edirlər.
Foodinfo.az Health saytına istinadla xəbər verir ki, dietoloq Keri Gans ton balığının yüksək keyfiyyətli zülal və omeqa-3 mənbəyi olduğunu, lakin normadan artıq istifadənin təhlükəli ola biləcəyini bildirib.
Onun sözlərinə görə, böyük okean balıqlarında civə toplanması daha çox müşahidə edilir. Bu səbəbdən konserv ton balığının hər gün deyil, müəyyən ölçüdə qəbul olunması məsləhət görülür.
Mütəxəssis xüsusilə uşaqların və hamilə qadınların bu məhsuldan istifadə zamanı diqqətli olmasının vacibliyini vurğulayıb. O bildirib ki, düzgün seçildikdə və normada istifadə edildikdə ton balığı sağlam qidalanmanın faydalı hissəsi ola bilər.
