Kabak qızardarkən duzun nə vaxt əlavə edilməsi yeməyin keyfiyyətinə birbaşa təsir edir. Düzgün vaxt seçilmədikdə kabak çox yumşalaraq formasını itirə bilər.
Foodinfo.az xəbər verir ki, kabak qızardılmadan əvvəl duz əlavə edildikdə tərəvəzin tərkibindəki su üzə çıxır. Bu isə qızartma zamanı kabakın sulu olmasına və yaxşı qızarmamasına səbəb olur.
Bu səbəbdən duzun kabak qızardıldıqdan sonra və ya süfrəyə verməyə yaxın əlavə edilməsi tövsiyə edilir. Bu üsul kabakın həm xırtıldayan qalmasına, həm də daha dadlı olmasına kömək edir.
Bəzi aşpazlar isə alternativ olaraq kabakı əvvəlcədən azca duzlayıb bir müddət saxladıqdan sonra suyunu sıxaraq qızartmağı məsləhət görürlər. Bu üsul da artıq suyun azalmasına və daha yaxşı nəticə əldə olunmasına imkan verir.
Nəticə olaraq, kabak qızardarkən duzu ən sonda əlavə etmək daha düzgün hesab olunur.
