Son illər aparılan elmi araşdırmalar yaşıl çayın orqanizmə çoxsaylı müsbət təsirlərini təsdiqləyir. Foodinfo.az xəbər verir ki, qidalanma mütəxəssisi Qalina Leonova bu içkinin gündəlik rasionda mütləq yer almalı olduğunu bildirib.

Onun sözlərinə görə, yaşıl çay polifenollar, xüsusən də katexinlərlə zəngindir. Bu maddələr içərisində ən çox öyrənilmişi epigallokatexin qallat (EGCG) sayılır. Mütəxəssis vurğulayıb ki, EGCG ən güclü təbii antioksidantlardan biridir və hüceyrələri oksidləşmə stresindən qoruyaraq xroniki xəstəliklərin riskini azaldır.

Leonovanın sözlərinə görə, yaşıl çaydakı kofein və L-teanin birləşməsi insana gümrahlıq verir, amma qəhvədə olduğu kimi narahatlıq yaratmır. Bu xüsusiyyət onu həm gündəlik enerji mənbəyi, həm də sakitləşdirici təsirli içki kimi faydalı edir.

Eyni zamanda, fitness studiyası rəhbəri Darya Kojevnikova da sağlam qidalanmanın sadəliyinə diqqət çəkib. O bildirib ki, təbii, əlavə məhsullardan uzaq yeməklər – tək bişirilmiş qarabaşaq və ya pendirsiz sobada qızardılmış ət – bədən üçün daha faydalıdır.

Kojevnikova həmçinin meyvə-tərəvəz istehlakını artırmağı və gündə kifayət qədər su içməyi tövsiyə edib. Onun fikrincə, sadə qidalanma prinsipləri sağlamlığın qorunmasında əsas amillərdəndir.