Konservləşdirilmiş və paketlənmiş məhsullar rahat görünür, amma düzgün istehlak olunmadıqda sağlamlıq üçün risk yarada bilər.
Foodinfo.az konservləşdirilmiş və paketlənmiş məhsulların əsas risklərini təqdim edir:
– Yüksək duz və şəkər miqdarı: Çox vaxt dadı və saxlama müddəti üçün əlavə olunur, bu da hipertoniya, şəkər xəstəliyi və artıq çəki riskini artırır.
– Konservant və qatqılar: Rəng qoruyucu, dadlandırıcı və digər kimyəvi maddələr uzun müddət tez-tez qəbul ediləndə orqanizmə yük salır.
– Qida dəyərinin azalması: Konservləşmə prosesində vitaminlərin, xüsusən də C vitamini kimi həssas maddələrin miqdarı azalır.
– Botulizm riski: Qapağı şişmiş və ya zədələnmiş konservlərdə təhlükəli bakteriyalar inkişaf edə bilər.
– Plastik qablaşdırma təhlükəsi: Bəzi paketlənmiş məhsullarda qablaşdırmadan qidaya keçən zərərli maddələr (BPA və s.) hormon sisteminə mənfi təsir göstərə bilər.
– Yemək vərdişlərinə təsiri: Tez hazırlanması və dadlı görünməsi səbəbindən insanlar daha çox hazır yeməklərə meyl edir, bu da təzə qida istehlakını azaldır.
1. Qapağı şişmiş və ya paslı konservləri qətiyyən yeməyin.
2. Mümkün qədər az qatqılı və az duzlu məhsulları seçin.
3. Konserv və paketlənmiş qidaları əsas yemək kimi yox, nadir hallarda istifadə edin.
