Meyvə və tərəvəzləri mövsümündə yemək həm sağlamlıq, həm də təbiətə uyğun həyat üçün vacibdir. Bunun bir neçə əsas səbəbi var. Foodinfo.az bu səbəblərdən bəzilərini təqdim edir:

1. Daha çox vitamin və mineral olur

Mövsümündə yetişən meyvə-tərəvəz günəş, torpaq və hava ilə təbii şəkildə böyüyür, buna görə də tərkibindəki qida maddələri daha zəngin və faydalı olur.

2. Kimyəvi maddələr daha azdır

Mövsümdənkənar məhsullar tez-tez kimyəvi dərmanlarla, hormonlarla və süni işıqla yetişdirilir, bu da sağlamlığa zərər verə bilər.

3. Daha dadlı və təbiidir

Təbii şəraitdə yetişən meyvə-tərəvəzlər daha ətirli, şirin və ləzzətli olur.

4. Daha ucuz olur

Mövsümündə məhsul bolluğu olduğuna görə qiymətlər daha münasib olur.

5. Ekoloji baxımdan faydalıdır  

Yerli və mövsümi məhsullar uzaqdan gətirilmədiyinə görə daşıma və saxlama zamanı ətraf mühitə zərər az olur.

Mövsümündə meyvə-tərəvəz yemək daha sağlam, daha dadlı və daha iqtisadi seçimdir.