Kivi C vitamini ilə zəngin meyvələrdən biridir və immunitet sisteminə dəstəyi ilə seçilir. Foodinfo.az xəbər verir ki, Yeni Zelandiyanın Otago Universitetində aparılan bir araşdırmada kivinin tənəffüs yolları infeksiyalarının qarşısını almaqda təsirli olduğu müəyyən olunub. Bioloq Dr. Andrea Braakhuis bildirib ki, kivinin tərkibindəki antioksidantlar hüceyrə səviyyəsində qoruyucu təsir yaradır.

İtaliyanın Milan Universitetindən Dr. Matteo Ricci qeyd edib ki, kividəki lif və fermentlər həzm sistemini dəstəkləyir, bu da ümumi sağlamlıq göstəricilərini gücləndirir. Təbii şəkərlə zəngin olan bu meyvə həm də enerji verir və günə pozitiv başlamağa kömək edir.