Vitaminlərlə zəngin olan yerkökü şirəsi bəzi insanlar üçün faydalı olsa da, müəyyən qruplar üçün risk yarada bilər. Bu içki düzgün miqdarda və doğru insanlar tərəfindən qəbul edilmədikdə sağlamlığa mənfi təsir göstərə bilər.
Foodinfo.az xəbər verir ki, diabet xəstələrinin yerkökü şirəsindən uzaq durması və ya çox məhdud şəkildə içməsi tövsiyə olunur, çünki şirədəki şəkər qan qlükozasını sürətlə yüksəldə bilər.
Eyni zamanda, mədə turşuluğu, reflüks və ya qastriti olan şəxslərdə yerkökü şirəsi mədəni qıcıqlandıraraq narahatlıq yarada bilər.
Böyrək daşı riski olan insanlar üçün də bu şirə təhlükəli hesab olunur, çünki tərkibindəki oksalatlar daş yaranmasını artırır.
Bundan əlavə, qaraciyər problemi olanların çox miqdarda yerkökü şirəsi içməsi orqanı həddindən artıq yükləyə bilər.
Həmçinin yerköküyə allergiyası olanlar, eləcə də hamilə və südverən qadınlar şirəni ehtiyatla qəbul etməlidir. Kiçik uşaqların, xüsusən də 1 yaşdan aşağı körpələrin yerkökü şirəsi içməsi uyğun hesab edilmir.
Sağlam insanlar üçün gündə bir kiçik stəkan (150–200 ml) yerkökü şirəsi kifayət edir, daha artıq miqdar isə tövsiyə edilmir.
